Barcelona po luan një nga sezonet më të këqija në historinë e fundit në La Liga-s, pasi së fundi, të shtunën në mbrëmje, katalanët u mundën nga Cadiz, një i porsaardhur nga kategoria e dytë, me rezultatin 2: 1.
Goli i fitores për ekipin vendas u shënua nga Alvaro Negredo, i cili përfitoi nga pasiguria e mbrojtjes së Barçës, vodhi topin vetëm disa metra nga porta, dhe e dërgoi lehtësisht në rrjetë.
“Ne nuk duhet të pranojmë gola të tillë. Na mungonte përqendrimi,” tha trajneri Ronald Koeman pas ndeshjes.
Koeman nuk kishte një shpjegim për një lojë të tillë të ekipit të tij, kështu që ka më shumë gjasa që ai të mos qëndrojë në stolin e katalanasve për shumë kohë.
“Eshtë e vështirë të shpjegosh se çfarë ndodhi sepse kemi kaluar një javë të mirë. Pjesa e parë nuk ishte e mirë, humbëm shumë topa. Kemi pasur ulje dhe ngritje gjatë lojës, e gjithë skuadra kishte qëndrim të gabuar. Kishte një mungesë përqendrimi, agresiviteti. Nuk është e lehtë të shpjegosh se si e kemi pësuar atë gol të dytë”, theksoi hollandezi.
Barcelona pësoi humbjen e katërt të sezonit dhe aktualisht është në vendin e shtatë në tabelë, me 12 pikë më pak sesa kryesuesja e Atletico Madrid.
“Ne kemi bërë një hap të madh prapa kur bëhet fjalë për luftën për titull. Eshtë zhgënjyese, por ne duhet ta pranojmë atë. Diferenca prej 12 pikësh në raport me një ekip aq të fortë sa Atletico Madrid është me të vërtetë e madh. Kanë mbetur edhe shumë lojëra deri në fund, por ne duhet të bëjmë progres ”, përfundoi Koeman.
Skuadra katalanase do të luajë ndeshjen e radhës kundër Juventusit në Ligën e Kampionëve. /tesheshi.com/
