Kryeprokurorja e Hagës, Fatou Bensouda njoftoi nisjen e një hetimi paraprak mbi dëbimin e qindra e mijëra anëtarëve të pakicës muslimane etnike Rohinja nga Mianmari.
Bensouda sqaroi se hetimi paraprak ka për synim sigurimin e provave të mjaftueshme për të shkuar më pas drejt një hetimi të plotë.
Ajo vuri në dukje se ajo do të shqyrtojë raportet e “një numri të madh të akteve të pretenduara shtrënguese që rezultuan në zhvendosje të detyruar të rohinjave, duke përfshirë shkeljen e të drejtave themelore, vrasjet, dhunën, shkatërrimin dhe plaçkitjen.”
Bëhet fjalë për një zhvillim tragjik ndodhur brenda disajavësh gjatë gushtit të vitit të kaluar, ku rreth 700.000 muslimane rohinja kaluan në Bangladeshin fqinj në një eksod të dhimbshëm.
Të martën, OKB lëshoi një raport të plotë të hartuar mbi bazën e një misioni për të përcaktuar të dhënat lidhur me operacionin kundër rohinjave.
“Shkalla e brutalitetit të ushtrisë së Mianmarit ndaj rohinjave në atë vend është e vështirë të imagjinohet”, tha një ish-hetues i OKB-së. /tesheshi.com/
