Ëndrra e çdo prindi është të shikojë fëmijën të rritet i fortë dhe i shëndetshëm. Një familje kineze, megjithatë, është detyruar të përjetojë një dramë të pazakontë për shkak të gjendjes në të cilën ndodhet vogëlushi i tyre. Ai është një fëmijë vetëm 3 muajsh dhe peshon më pak kilogramë se sa kur lindi.
24 vjeçarja Ren Minge ka sjellë në jetë 80 ditë më parë Guo Enze në fshatin Chuandi, në veri të Kinës. Fëmija, i cili është quajtur ‘vogëlushi alien’, është diagnostikuar me një sëmundje të rrallë. Ai nuk mund të nxjerrë jashtëqitjet e tij, mbetjet ushqimore trupore dhe mund të përdorë vetëm organin gjenital për të urinuar, por edhe atë më dhimbje shumë të mëdha.
Në të tilla kushte, edhe ushqimi duhet të jetë ekstremisht i kujdesshëm, pasi aftësia e organizmit të tij për të nxjerrë jashtë mbetjet është shumë e dobët për të mos thënë që nuk funksionon fare.
Sëmundja e djalit është një difekt i krijuar që në ngjizje dhe personat me të tillë diagnozë ose lindin pa anus (vrima nga e cila trupi nxjerr jashtëqitjen), ose lindin me anusin shumë të ngushtë. Në disa raste, si ai i fëmijës kinez, zorra e trashë është bshkuar me zorrën e hollë, çka do të thotë se të gjitha mbetjet e trupit duhet të dalin përmes organit të tij gjenital. Problemi shkaktohet nga një zhvillim jo normal i fetusit. Defekte të tilla hasen në një të sapolindur në 5 mijë./tesheshi.com/
