Nuk ka Konsensus për vetingun. Drafti i hartuar nga EURALIUS dhe OBDAT, pra BE dhe SHBA nuk ka marrë votat e PD-së që e kundërshtoi.
Ndërkaq, me shumicë votash projektligji për verifikimin e integritetit të gjyqtarëve dhe prokurorëve ka kaluar për shqyrtim në seancën plenare.
Deputeti socialist, Pandeli Majko tha se në miratimin e këtij ligji, maxhoranca zbatoi me përpikmëri rekomandimet ndërkombëtare.
Por anëtari i komisionit, përfaqësuesi i opozitës, Oerd Bylykbashi tha se ligji bie ndesh me Kushtetutën e miratuar me konsensus më 22 korrik.
Ai tha se opozita do ta kundërshtojë këtë ligj, duke sugjeruar këtu edhe dërgimin në Gjykatën Kushtetuese.
Por pavarësisht kësaj, pritet që në orën 18:00 të mblidhet Konferenca e Kryetarëve për të vendosur për senacën e jashtëzakonshme për votimin e këtij ligji.
/tesheshi.com/
