Në Kuvendin e Kosovës ka dështuar mbajtja e një séance të jashtëzakonshme thirrur nga dy partitë opozitare, LDK-ja dhe VV-ja, për të diskutuar për draft-marrëveshjen gjithëpërfshirëse midis Kosovës dhe Serbisë, të propozuar nga qeveria. Dështimi erdhi për mungesë kuorumi, e kjo bëri që përfaqsuesit e dy partive të akuzonin mazhorancën për dështim të qëllimshëm..
Glauk Konjufca, shef I deputetëve të Vetëvendosjes, tha se ky bojkot shpërfaq strategjinë e kësaj mazhorance.
“Kemi kërkuar të shqyrtohet ky dokumenti 30 faqësh për marrëveshje gjithëpërfshirëse. Për ne ka qenë jetike sepse kjo marrëveshje përmban shumë defekte, kemi dashtë përball kryeministrit dhe ministrave të hapin këtë çështje. Por tash e disa herë mazhoranca po e aplikon strategjinë e bojkotit. Sot ata e treguan fytyrën e vërtetë, opozita erdhi në sallë, 1 orë e gjysmë pritëm, pushteti nuk ishte, është papërgjegjësi. Kjo po tregon që pushteti e ka marr drejtimin që të shkelin opozitën në këtë mënyrë, që zëri i opozitës mos të dëgjohet”, tha Konjufca. /tesheshi.com/
