Mjeku i njohur infeksionist Tritan Kalo, thotë se falë vetndërgjegjësimit, punës, përkushtimit si dhe vaksinimit kundër COVID, vendi ynë ka kaluar periudhën më të vështirë dhe të dhimbshme me betejën e pandemisë.
“Një foto sot herët në mëngjes nga koridori i Urgjencës së Shërbimit të Sëmundjeve Infektive/Covid-1 në QSUNT….Vetndërgjegësimi i popullatës, Puna, Përkushtimi, Profesionalizmi dhe Përkujdesja e stafit mjeksor si dhe Vaksinimi në vijëmësi jo vetëm i grupeve të riskuara, pak nga pak PO sjellin frutet e duhura në uljen e furisë së kësaj “flame mbarëbotërore”, Pandemisë së Sars-Cov2/Covid-19….
A e kemi fituar plotësisht këtë betejë me armikun e padukshëm? ENDE JO…..Më e rëndësishmja është se e kemi kaluar periudhën më të vështirë dhe më të dhimbshme, të përplasjes me virusin jetëlëndues dhe jetëmarës të Sars-Cov2/Covid-19….”Ditë më të mira pas kësaj do të vinë.” (N.F)”, shkruan doktori i njohur. /tesheshi.com/
