Anthony Fauci, ekspertI kryesor i qeverisë amerikane për sëmundjet infektive, tha se Presidenti Trump mori pjesë për herë të fundit në një takim të task forcës COVID-19 “disa muaj më parë”.
Në një intervistë për CNN, ai tha se grupi i punës drejtohet nga Zv.Presidenti Mike Pence, i cili “përcjell” te Trump ato që po diskutohen atje.
Dr. Fauci tha se zyrtarëve federalë duhet t’u jepet mundësia të fillojnë komunikimin me ekipin e Presidentit të zgjedhur Joe Biden për të garantuar transferimin më të thjeshtë të mundshëm të pushtetit dhe për të vazhduar luftën me epideminë.
Administrata Trump ka bllokuar deri më tani procesin e tranzicionit ndërsa presidenti vazhdon të refuzojë të njohë fitoren e Biden-it në zgjedhje.
“Sigurisht do të ishte më mirë nëse do të mund të fillonim të punojmë me ta,” tha Dr. Fauci. /tesheshi.com/
