Epidemiologia e njohur, Dr. Silva Bino, specialiste në ISHP, përcolli një mesazh ndërgjegjësues për publikun, duke thënë se virusi nuk është zhdukur, e se kujdesi duhet mbajtur i shtuar me lirimin e masave.
Kam një mesazh për të gjithë qytetarët, pasi jemi në fazën e hapjes, lëvizjes, dhe duhet të jemi të kujdesshëm. Virusi nuk është zhdukur, as nga Shqipëria, as nga Evropa dhe as nga bota. Virusi qarkullon dhe për këtë ne duhet të jemi të kujdesshëm.
Pavarësisht se dalim, duhet të jemi të përgjegjshëm për sjelljen tonë, pasi sjellja individuale është shumë e rëndësishme në këtë fazë.
Faza që kaloi na ndihmoi të zbusnim kurbën e sëmundjes, që të mos kishim një ritëm të lartë të sëmundjes, të përhapjes së sëmundjes, por aktualisht ne duhet të jemi të përgjegjshëm dhe gjithë atë muaj të sakrificës ta kemi në favorin tonë”, thotë Dr. Bino. /tesheshi.com/
Mesazhi i plotë:
https://www.facebook.com/OgertaManastirliu/videos/2982814405098788/?t=1
