I ashtuquajturi “Shteti Islamik” që thirret ISIS, ISIL ndërkohë që arabët dhe turqit e quajnë DAESH këtë javë ka realizuar një ekspansion të rëndësishëm në qytete kyçe në Irak dhe Siri. Ky grup po synon krijimin e një “perandorie” koloniale që shtrihet në disa shtete. Celulat e tij shtrihen në dhjetëra shtete.
ISIS ka vazhduar të zgjerohet në provincën irakene të Anbar dhe zonat naftëmbajtëse në Siri.
Grupi ka hapur fronte të rëndësishme në Libi dhe në Gadishillin Sinai në Egjipt. Me të marrë kontrollin ata qeverisin me dorë të hekurt duke marrë në dorë të gjitha shërbimet si furnizimi me ujë, rrugët dhe sistemin e drejtësisë. Në këtë mënyrë ata kontrollojnë jetët e njerëzve në mënyrë direkte. Një taktikë tjetër është ndarja e komuniteteve nga njëri tjetri. Grupet e ISIS infiltrohen tek komunitetet duke përdorur shantazhin. Ata kanë instaluar celula të fjetura që të veprojnë në moment të veçanta. Për shembull pushtimi i Ramadit në irak, ishte përgatitur prej kohësh duke aktivizuar celulat e fjetura brenda qytetit.
Celulat e ISIS janë shfaqur edhe në Arsal Liban, ku grupet lokale u ngritën kundër qeverisë. Analistët besojnë se rrjetii i ISIS në Arabinë Saudite dhe rajonin Kabylie në Algjeri po rriten. Në Jemen celulat e ISIS i lëshuan benzinë zjarrit me anë të atentateve që çuan në vdekjen e 135 personave në dy xhami gjatë muajit mars. Vendi tani është në kaos të plotë.
Po ç’ndodh me këtë organizatë që vetëm dje shpërndau një video në HD ku dy shqiptarë njëri nga Kosova tjetri nga Shqipëria kërcënuan territoret shqiptare se do t’i sulmojnë duke ardhur me eksplozivë apo me ushtri.
ISIS është tashmë një detashment i fuqishëm që financohet në kaos nëpërmjet trafikut të naftës dhe taksave të rënda që u vënë bisneseve në territorin ku kontrollon.
Po ku e shet naftën ISIS dhe kush e blen? Ka analiza të shumta që bëjnë të ditur se këtë naftë e marron kompani të mëdha botërore. Por rrugët kryesore të këtij trafiku nafte janë Turqia në Perëndim dhe Afganistani, Pakistani, India dhe Irani në Lindje. Mungojnë raportet sesi transportohen miliona ton naftë nëpër këto vende, por dihet që ISIS e shet naftën me 40 USD fuçinë nga 100 që e shesin vendet e Gjirit Arabik.
Issam al-Chalabi, Ministri i Naftës në qeverinë e Sadam Hyseinit ka deklaruar se vetëm vitin e shkuar ISIS fitoi 150 milionë dollarë nga kontrabanda e naftës që nxirrej nga puset irakene.
Chalabi theksoi se disa kompani ndërkombëtare janë të përfshira në këtë kontrabandë. Kështu ndërsa nafta siriane kalon nëpërmjet kufirit turk, ajo irakene kalon nëpërmjet Irakut. Por ironia është se ISIS i ka shitur gaz edhe qeverisë së Asadit me të cilin lufton. Në Siri ISIS kontrollon zonat naftëmbajtëse të Deir ez-Zor, në verilindje të vendit në kufi me Irakun dhe Turqinë.
Vetëm nga Siri është llogaritet se ISIS prodhon 50 mijë fuqi nafe në ditë që shitet me një çmim mesatar prej 30 dollarëve në ditë.
Në Irak ISIS kontrollon 8 zona të rëndësishme naftëmbajtëse ku prodhon rreth 70 mijë fuçi naftë në ditë me një fitim mesatar prej 3 milionë dollarëve në ditë. Nafta nuk transportohet vetëm nëpërmjet linjave të rregullta që menaxhohen nga kompanitë e mëdha që e blejnë naftën bruto në burim por edhe nëpërmjet kamionëve dhe mushkave të ngarkuara me fuçi që kalojnë në pika qorre të kufirit me Turqinë.
ISIS flitet që ka një numër të madh luftëtarësh të huaj, gjithsej 15.500 ku një numër është nga Ballkani, përkatësisht Shqipëria, Kosova dhe Maqedonia.
Një specialist veteran i CIA Paul Pillar ka bërë të ditur në një rrëfim për nationalinterst.org se ISIS i ka blerë armët nga të ashtuquaturit “rebelë të moderuar sirianë”, të cilët natyrisht i merrnin furnizimet nga Perëndimi e konretisht SHBA, Turqia Franca etj.
Veterani i CIA dhe anëtari i Brooking Institution, ka theksuar se e vetmja rrugë për të mundur ISIS është bashkëpunimi me Asad.
Instituti Iraken i Energjisë ka një shifër tjetër për çështjen e naftës, ai thotë se ISIS shet 30 mijë fuqi naftë në ditë në Irak dhe 50 mijë në Siri. Sipas këtij instituti, fitimi ditor i ISIS është 1.2 milionë USD në ditë në Irak dhe 2 milionë dollar në ditë në Siri. Ndërkohë 97 milionë dollar në muaj vijnë nga taksat që ISIS i ka vendosur bizneseve në territorin ku mberetëron, por edhe lumi i financimeve që vijnë nga bisnese private nga Europa dhe vende të Gjirit që janë partner biznesi me këtë organizatë.
Jana Hybášková, një diplomate çeke, ambasadorja e BE në Irak ka deklaruar para Parlamentit Europian se ka disa vende europiane që blejnë naftë nga ISIS…
/tesheshi.com/
