Gjatë një raportimi në Kuvend, Kryeprokuroja e Përkohshme Arta Marku tha se dosjeve me përgjime duhet t’u jepet fund duke u çuar në gjykatë
“Dosjet 339 dhe 184 kanë hyrë në historinë ë drejtësisë dhe politikës shqiptare. Janë regjistruar më 2016 të dyja, të vetmet veprime deri në fund të 2018 ishin përgjimet, ka pas vetë transkripte. Në fund të 2017 u përcaktuan prokurorë të tjerë, për 339 dhe një oficeri policisë gjyqësore. Kjo dosje kur u morë nga prokurorët e tjerë u transkriptuan të gjitha CD, janë dërguar për gjykim shumë persona. Këto çështje duhen zgjidhur, ka ardhur momenti. Prokurorët tani duhet të dalin në konkluzione. Ju kam kërkuar në çdo takim, që t’iu japin zgjidhje këtyre çështjeve”, tha Marku.
Sipas saj, po hetohet dhe për nxjerrje të sekretit hetimor.
“Për nxjerrjen e sekretit po hetohet nga Prokuroria e Krimeve të Rënda. Nisja e çështjes nuk është bërë pse dolën sekretet, por se nxjerrja e sekretit nga prokurorët përbën vepër penale dhe nuk mund të anashkalohet. Prokurorët duhet të dalin në konkluzione dhe t’i drejtohen gjykatës”, theksoi gruaja në krye të akuzës shqiptare.
Siç dihet, i përfoluri kryesor për nxjerrjen e dosjeve dhe dorëzimin e tyre te PD, është ish-kreu i Krimeve të Rënda Besim Hajdarmata. /tesheshi.com/
