Tashmë nuk ka asnëj pengesë ligjore për të zbuluar se kush fshihet pas inicialeve I. M., si një ish-spiun, denoncuar nga një shok i tij studimesh.
Mbrëmjen e vonë të së enjtes, mazhoranca dhe opozita në Kuvend bashkuan votat për të miratuar disa amendamente në ligjin e dosjeve të sigurimit të shtetit, për të bërë të mundur shfuqizimin e vendmmarrjeve në komisionet “Bezhani” e “Mezini”.
Më konkretisht, sipas këtyre amendamenteve, kandidatët për poste të larta drejtuese duhet të kalojnë sërish në sitën e Autoritetit të Dosjeve, pavarësisht se më parë mund të kenë marrë një certifikatë pastërtie nga dy komisionet në fjalë.
Rama tha se ishte pikërisht I. M.-ja që e solli këtë zhvillim.
“Doli një I.M dhe u mbush dynjaja me fjalë. U pa që nuk merrej dot vesh kush është ky I.M dhe shumë thjesht u zbulua që ka një pengesë për shtetasin I.M. Të hapet gjithë kjo kategori dosjesh dhe të lehtësohen të gjithë dhe ku ta gjejmë të marrim një përgjigje lehtësuese, e jo akoma më rënduese e të mësojmë se shtetasin I.M e paskemi ngjitur për 30 vite, ku ka pas vend në piramidën shtetërore. Larg qoftë të jetë ai”, deklaroi Rama. /tesheshi.com/
