Një zhvillimi të papritur ka marrë gjykimi i Elmijano Shullazit, i cili ndër të tjera akuzohet edhe për kërcënimin ndaj rektorit të universitetit të Tiranës, Mynyr Koni, gjatë kohës që ky i fundit garonte për këtë pozicion.
Në sallën e gjyqit është paraqitur për të dëshmuar ish-ministri i Brendshëm, Sajmir Tahiri, i cili në fjalën e tij ka pohuar se kërcënimin e ka marrë vesh nga ish-kryeministri Sali Berisha, përmes një statusi në rrjetet sociale. Në këtë kuadër, Tahiri ka pyetur sepse nuk thirret për të dhënë dëshminë e tij edhe ish-kryeministri.
Pas kësaj deklarate të Tahirit, ka qenë i pandehuri Emiljano Shullazi që ka kërkuar që në gjyq të dëshmojë ish-kryeministri, çka mund të shënojë një zhvillim të papritur në seancat gjyqësore kundër tij.
Nëse Berisha do të paraqitej në gjyq, kjo do të ishte e para herë që ish-kryeministri jepte një dëshmi në sallë, pasi edhe herë të tjera, për proçese të bujshme, është kërkuar të thërritet si dëshmitar, por një gjë e tillë nuk është realizuar.
Në dëshminë e tij para gjykatës, Tahiri mësohet të ketë thënë se kërcënimin e mora vesh nga Sali Berisha, përse ai nuk është sot këtu për të dëshmuar.
Sipas Panoramës, Shullazi nuk ka bërë asnjë ndërhyrje gjatë dëshmisë së Tahirit, ndërkohë që ky i fundit ka qenë shume ironik gjatë dëshmisë.
Tahirit i është tërhequr vëmendja ndërkohë që fliste, por ai u pergjigj se do te thotë gjithcka që ai di rreth kesaj cështjeje.
Replikat në gjyq
Tahiri: Kërcënimin për Konin e mora vesh nga Berisha përmes nje statusi që ai kishte bërë. Nuk e kuptoj pse nuk e keni thërritur këtu për të dëshmuar. Kështu është kur prokuroria bën politikë.
Gjyqtari: Lëri këto po jep dëshminë
Tahiri: E di ti apo une se si e jap dëshminë. Pasi mora vesh kërcënimin i thirra në zyrë Nikollen, Konin dhe Kulen, Cakon. Do therrisja dhe Berishen, por e dija qe s’më përgjigjej. Emrin e Shullazit e mësova nga Berisha, pastaj bëra verifikimet dhe delegova punën. Nuk mbaj mend shumë detaje. i qendroj deklarates se prokurorisë, për më shume therrisni Berishen dëshmitar. /tesheshi.com/
