Si u demonizua një grup të rinjsh nga ish-presidenti dhe ish-kryeministri Sali Berisha. Pas shpalljes së tyre të pafajshëm a bien poshtë akuzat e tij për dhjetra krime të cilat ia faturoi “Hakmarrjes për Drejtësi”?!
Pas 21 vitesh proces gjyqësor janë shpallur të pafajshëm 10 djemtë e grupit “Hakmarrja për Drejtësi”, të njohur më shumë nga shumë nga akuzat politike të ish-presidentit dhe njëherësh ish-kryeministrit Sali Berisha, i cili u faturoi dhejtra krime kësaj organizate, se sa nga provat e vërteta të përfshirjes së tyre në këto krime. Kur themi “ish-presidenti”, kemi parasysh se ato datojnë që kur ish-lideri demokrat ishte në krye të shtetit dhe pak minuta pas shpërthimit të një bombe tek ish-supermarket VEFA, poshtë 9-katësheve, e artikuloi si togjalësh, “Hakmarrja për Drejtësi”. Por sa kriminalo-oridener e sa kriminalo-politik ka qenë ky grupim? I ka patur të dyja, vetëm njërën, apo hiç fare, siç qe së fundi dhe verdikti i gjykatës? Mos harrojmë se një vend tek “Hakmarrja” Berisha e ka rezervuar dhe për rilavin e tij të egër, Edi Ramën
Që nga viti 1996 deri më sot kur Gjykata e Apelit e Krimeve të Rënda sot ka dhënë pafajësi për grupin e famshëm nuk është kuptuar kurrë se ku nis e ku mbaron e vërteta për këtë organizatë, nëse ajo ka ekzistuar ndonjëherë, nëse është përfshirë në ndonjë nga krimet për të cilat akuzohej. Akuzuesi i tyre kryesor ka qenë Sali Berisha, në opozitë dhe në pushtet, ai i ka përdorur emrat e dy vëllezërve Shyti, në diskursin e tij politik sa herë i janë dashur. Hera e fundit që e përmendi grupin ishte gjatë operacionit “Xibraka” ku u shkatërrua një laborator droge dhe u arrestua nipi i dikatatorit Hoxha, Ermal Hoxha. Berisha thoshte se Edi Rama ishte kërcënuar nga ky grupim. “Merrni tabulatet e Edi Ramës se çfarë kërcënimesh të tmerrshme i ka bërë “Hakmarrja për Drejtësi” kur ka lejuar asgjësimin e bazës në Elbasan”- ulëriste Berisha në Parlament vetëm para një viti.
Sot që ata janë të pafajshëm çfarë do të thotë Berisha?! Ai ia ka mbushur mendjen shqiptarëve që kjo ishte organizata më e egër, terroriste, që kishte dashur të rrëzonte demokracinë, e lidhur me politikën, etj…po sot çfarë do të thotë?!
Sipas Apelit, provat janë marrë nga policia në mënyrë të paligjshme. Anëtarët e grupit, Kreshnik Spahiu, Orik Shyti, Laert Shyti, Altin Arapi, Gent Caka, Nikolin e Pasho Nevruzaj, Gëzim Gjoni, Roland Shyti dhe Dritan Hata, akuzoheshin për pengmarrje dhe shkatërrim prone.
Historia: si “u krijua” demoni i “Hakmarrjes për Drejtësi”
Nëse tranzicioni shqiptar do të përshkruhej me një rast të vetëm për papërgjegjshmërinë e politikanëve dhe për mosfunksionimin e Drejtësisë, do të mjaftonte vetëm historia e vëllezërve Shyti, të cilët kishin fituar azil politik në Zvicër, ndërkohë që demonizoheshin në Tiranë për çdo krim me prapavijë politike ose jo.
Në 21 vite gjygje kundër tyre nuk është kuptuar se sa vendosnin provat reale apo akuzat politike në vendimet e dhëna. “Hakmarrja për Drejtësi” u përmend për herë të parë si organizatë me prirje terroristeme qëllim për të rrëzuardemokracinë më 12 tetor të vitit1996, kur policia publikoi një foto të një arsenali armësh, tëg jetura në një apartament, që i përkisnin kësaj organziate. Më pas, bomba e vendosur tek ish-marketi i VEFA-s pranë pallateve 9-katëshe në Tiranë dhe vrasja e ish-drejtorit të Burgjeve të asaj kohe, Bujar Kaloshi, ishin akuzat e radhës ndaj tyre. Policia identifikoi si autor Orik Shytin dhe më pas arrestoi edhe Laert Shytin e Enkeled Agajn. Sipas hetimeve të asaj kohe, kjo organizatë kishte kryer një sërë krimesh në vitet 1992-1996. Ata u akuzuan se kishin një plan për vrasjen e Presidentit të atëhershëm të vendit, Sali Berisha.
Në mars të 1997 të arrestuarit u arratisën nga burgjet dhe arritën të fitonin azil jashtë vendit në një kohë kur akuzat politike ndaj tyre në Tiranë vijonin të ishin të forta.
Hetimi ndaj “Hakmarrjes për Drejtësi” rinisi në vitin 1998, për të përfunduar 10 vite më vonë në vitin 2008, kur Prokuroria e Krimeve të Rënda arriti të kërkonte dënime për 10 anëtarët e kësaj organizate, të akuzuar për dhjetëra vrasje, grabitje, rrëmbime dhe akte terroriste, shumica të kryera në vitet kur Berisha ishte në pushtet, 1992-1996.
Gjykata e Apelit në Tiranë dhe Gjykata e Lartë lanë në fuqi këto masa dënimi. Por, i akuzuari kryesor si kreu i organizatës, Orik Shyti, iu drejtua Gjykatës Kushtetuese, e cila në vitin 2011 konstatoi se kishte shkelje në gjykimin e kësaj organizate dhe urdhëroi rigjykimin e çështjes.
Pas këtij vendimi, në një letër të hapur Orik Shyti akuzoi publikisht Sali Berishën se kishte sajuar gjithçka dhe se ata ishin të pafajshëm.
“Me qindra herë Sali Berisha ka deklaruar botërisht se ne kishim krijuar organizatën kriminale“Hakmarrja për Drejtësi” dhe se, në zbatim të platformës së saj, kishim kryer dhjetëra krime.Gënjeshtrave dhe shpifjeve të tij u jemi përgjigjur me fakte. Në dosjen gjyqësore ndodhen tëadministruara dëshmi dhe të tjera prova, shkresore dhe shkencore, që faktojnë se Saliu ështëati, nuni dhe pagëzori i “Hakmarrjes Shqiptare për Drejtësi””- shkruante Shyti nga arratia.
Ai akuzonte Berishën për ndikim të drejtpërdrejtë tek gjyqtarët që kishin kaluar nëpër duar dosjet e tyre. Shyti bën të ditur se edhe Gjykata e Lartë e Zvicrës e ka konsideruar një show politik dhe fantazi krijimin e këtij grupimi. Edhe një tjetër gjykatë në Holandë vendosi që vëllezërit Novruzaj të merreshin në mbrojtje nga shteti holandez, sepse përndiqeshin politikisht nga Sali Berisha.
Anëtarët e këtij grupimi ishin marrë në mbrotjte nga vendet europiane ku ishin arratisur ndërkohë që në Shqipëri demonizoheshin për çdo krim nga Berisha dhe kishin mbi kurriz dënimet e gjykatave shqiptare.
Vëllezërit Shyti janë djemtë e Aredin Shytit, një zyrtar i Ministrisë së Brendshme në diktaturën komuniste dhe në qeverisjen e parë të Fatos Nano në 1991. Aredin Shyti u dënua me 17 vjet burg për “vrasje me dashje indirekte” të 4 demonstruesve të civilë në 2 prill 1991 në Shkodër.
Akuzat ndaj tyre
Ata janë akuzuar për vrasjen e drejtorit të burgjeve, vrasjen e 4 civilëve nga vendosja e bombës në ish-supermarketin e kompanisë “VEFA”, si dhe vrasjen e shoferit të ish-Prokurorit të Përgjithshëm, Theodhori Sollaku.
Dënimet e dhëna ndaj “Hakmarrjes për Drejtësi:
Altin Arapi, burg përjetë
Orik Shyti, burg përjetë
Kreshnik Spahiu, 24 vite burg
Nikolin Novruzaj, 24 vite burg
Leart Shyti, 24 vite burg
Gëzim Gjoni, 5 vite burg
Pasho Novruzaj, 17 vite burg
Dritan Hate, 23 vite burg
Gentian Caka, 25 vite burg
Roland Shyti, 25 vite burg
/tesheshi.com/
