“Gjithçka vetëm sa ka nisur”, i tha tesheshi.com një burim diplomatik në lidhje me operacionin e zhvilluar në Katania të Siçilisë për arrestimin e Moisi Habilajt dhe kapjen e 10 tonë drogëve në drogë.
Bëhet fjalë për superoperacionin që tesheshi.com e ka bërë të ditur disa muaj më parë dhe që e anoncoi edhe kryeministri Edi Rama një javë më parë në Kuvend.
Një grup i rëndësishëm agjentësh të shërbimeve të specializuara të SHBA dhe vendeve të BE-së kanë krijuar një task-forcë për të furnizuar me materialet që ata kanë mbi përgjimet dhe veprimtaritë e grupeve kriminale shqiptare.
Realisht ka aq shumë material sa pritet të tronditet totalisht skena politike shqiptare.
Në selinë e BE-së në Tiranë është krijuar një bërthamë drejtuese e operacionit, ku gjithçka kryhet sipas një skeme tërësisht të centralizuar.
Trupat RENEA prej një javë janë në gatishmëri të plotë për të marrë urdhërat e kapjes dhe arrestimit të bosëve të krimit.
Gjithçka startoi me Habilajt, me aktivizimin në fillim të agjentëve italianë, të cilët në Shqipëri kanë territorin e tyre që prej fillimeve të vitit ‘90 me misionin INTERFORCE.
Tani, nga java tjetër pritet të riaktivizohet një tjetër dosje e fuqishme që këtë radhë është në duart e DEA-s amerikane. Bëhet fjalë për një grup shumë të fuqishëm kriminal, i cili jo vetëm ka lidhje me politikën, por pritet që të trondisë rëndë establishmentin që sot është nga akuzatoret më të egra të Saimir Tahirit. Më pas do të jetë policia holandeze e cila do të hedhë në tavolinë dosjen e stërmadhe të lidhjeve të ushtarëve shqiptarë të kokainës në Amsterdam, Roterdam, por edhe qytete të tjera holandeze.
Pas një operacioni të kryer në shtatorin e vitit të shkuar u arrit të kapeshin në shumë qytete të Europës disa prej krerëve të bandave shqiptare.
Një pjesë prej tyre “u penduan” dhe u deklaruan se koka reale e narkotrafikut ndodhet në Tiranë. Dhe ky operacion pritet të zhvillohet së shpejti.
Pas agjentëve holandeze, radha do t’u vijë gjermanëve, të cilët prej më shumë se 4 vitesh kanë një bashkëpunim shumë të mirë me policinë shqiptare.
Në zyrën e antidrogës në Berlin ndodhet një përfaqësues i lartë i antidrogës shqiptare dhe në Tiranë ka disa agjentë gjermanë që punojnë edhe në mënyrë operative për dosjet e tyre.
Gjatë gjithë kohës, përfaqësuesit e policive ndërkombëtare kanë vepruar gjerësisht duke takuar njerëz gjetur bashkëpunëtorë, duke aktivizuar përgjime nëpërmjet kompanive të specializuara të sigurisë, që më pas u përdorën për dosjet e policive të tyre.
Burimi diplomatik bëri të ditur se i gjithë ky kontigjent kriminal që do të përfundojë pas hekurave, do kalojë në sitën e Krimeve të Rënda vetëm në mënyrë proceduriale, pasi punën reale do ta zhvillojë SPAK-u, që pritet të nisë punën në nëntor. Pra, situatën e kanë marrë në dorë ndërkombëtarët dhe luftën kryesore ata do ta bëjnë.
Përveç mbarimit të mandatit të Prookurorit të Përgjithshëm Adriatik Llala, mësohet se edhe besimi të një pjesë e prokurorëve ackual është mjaft i vogël.
Provën e dha mbrëmë një prokuror i Krimeve të Rënda, i cili në vend që ta sistemojë në dosjen e tij operacionin e kapjes së 10 tonëve drogë, ja nisi direkt ish-kryeministrit Sali Berisha.
Po kush do të jenë këto pesha të rënda që pritet të preken së shpejti? Flitet për dy ish-ministra por që gjithçka mbahet shumë sekret.
I gjithë ky operacion bëhet në kuadër të përpjekjeve që vitin e ardhshëm të hapen negociatat e anëtarësimit me Bashkimin Europian.
Edi Rama u ka bërë të ditur vendeve partnere që ai është i hapur që agjentë nga BE të udhëheqin operacionin e “peshqve të medhenj”.
Ky operacion siç e paralajmëroi edhe ambasadori amerikan në Tiranë, Donald Lu, pritet të zgjasë të paktën deri verën e vitit të ardhshëm.
Edhe gazetari Artan Hoxha e ka bërë të ditur me të madhe edhe me foto se trupat RENA janë të gatshëm për një operacion të madh që pritet të nisë këto ditë.
“Koha filloi….
Djemte gati per aksion, se u ndryshken duke qendruar mbyllur ne repart.
Nje konsulte e specializuar sot ne mesdite me shtabin e forcave elite te Policise Shqiptare, RENEA, para nisjes se operacionit me emrin e koduar “Kush ma ka cakmakun”…
Keshilla e vetme qe mund te jap per ata ne liste-pritje:”Me mire dorezojini vet eshken, masatin dhe gurin e strallit, se cakmak e shkrepse jane lagur me kohe….”, shkruan gazetari i njohur i kronikës, Artan Hoxha. /tesheshi.com/
