Prokurorët kanë kërkuar që ish-ministri i Rendit Saimir Tahiri të dënohet me 8 vite burg, nga 12 sa ishte propozuar më parë.
Kjo pasi Gjykata e Krimeve të Rënda ka pranuar kërkesën e ish-ministrit për gjykim të shkurtuar. Seanca që zgjati më shumë se dy orë u mbajt në prani të vetë Tahirit dhe avokatit të tij mbrojtës, Maks Haxhia.
Prokuroria i qëndron akuzave se ish-ministri ka bashkëpunuar me një grup të organizuar kriminal, duke ia lehtësuar aktivitetin e tregtimit të substancave narkotike.
Tahiri gjithashtu akuzohet për “korrupsion të zyrtarëve të lartë” si dhe “trafik të lëndëve narkotike” në bashkëpunim me grupin famëkeq të “Habilajve”.
E njëjta kërkesë dënimi u dha edhe për Jaeld Çelën, ish-kreun e Policisë së Vlorës, në mungesë të tij si pasojë e arratisë. /tesheshi.com/
