TCH ka publikuar fashikuj nga hetimi i Prokurorisë së Krimeve të Rënda për dosjen e ashtuquajtur “Babale” – audi-përgjimin e famshem mes shtetasin Agim Veliu dhe, të pretenduar nga opozita, Agron Xhafajt, vëllait të ministrit Xhafaj.
Sipas asaj çfarë është konkluduar nga përgjimet telefonike, ka qenë kunati i shtetasit Agim Veliu, Fredi Alizoti, ai i cili ka bërë zërin e Agron Xhafajt.
Si provë e kësaj, është një bisedë mes Alizotit dhe Veliut në kushtet kur ky i fundit ishte në azil në Kosovë, ku flitet dhe shuma që do merrnin për inskenimin.
TCH, referuar dosjes, raporton Alizotin kur i thotë Veliut: “Ai muhabeti jam unë. E kape filmin ti? Unë bëra sikur isha vëllai i atij, e ke parasysh? Dëgjon, bëra sikur isha vëllai i atij? Do merrnin nga një qindshe për njeri, dyqind përnjëherë. Ai më tha mua do marrim njëqindshe. Unë i thashë mirë një qindëshe, i thashë nëm një 20 tëshe, e kupton vëlla, asnjë 20 asgjë iku ky muhabet”.
Ky zhvillim u parapri ndaj disa deklarime të kryeministrit Rama, në formë statusesh në rrjete, ku denonconte inskenimin e audio-përgjimit, referuar rezultateve të hetimit, duke ironizuar në distancë me kryedemokratin Basha.
Më i implikuari në gjithë këtë aferë nga radhët e PD-së është deputeti Salianji, njeriu që është marrë personalisht me audio-përgjimin dhe i cili është thirrur ditë më parë te Krimet e Rënda. /tesheshi.com/
