Deputeti i PS-së Tom Doshi ngriti sërish sot zërin duke shprehur pakënaqësitë në lidhje me punën e ministrave, por tashmë para medias.
“Unë s’kam një ankim. Deklaratat e mia lidhem me ankimet që ka baza. Shqetësimet janë në bazë. Baza është lënë pas dore. Për ndryshimet dihet që ka ardhur koha, shumë ministra janë konsumuar” tha Doshi duke mos pranuar të japë emra konkretë pasi “s’ka ardhur ende koha për ti bërë publike”
Lidhur me deklaratat e djeshme në grupin PS, Doshi tha se “ishte diskutuar brenda familjes së madhe dhe madje kolegët e tij kishin gabuar kur kishin zbuluar për median se cfare ishte folur në mbledhjen me dyer të mbyllura të grupit PS.
Deputeti socialist, Tom Doshi, iu është rikthyer akuzave të tij ndaj ministrave ditën e djeshme. Doshi thotë se ata nuk kanë sakrifikuar që të kenë një
qeverisje arrogante.
Debati i plotë në grup
Tom Doshi: Erdha për t’i thënë disa shqetësime shokut Rama, por meqënëse ai nuk është këtu, po t’i them ty shoku Gramoz.
Gramoz Ruçi: Kryeministri kishte një axhendë të paparashikuar qeveritare, nëse ti do mund t’ia thuash atij në mbledhjen e ardhshme kur të jetë vetë, ose mund t’ia thuash dhe vetë tek për tek se ti ke mundësi ta takosh.
Tom Doshi: Unë nuk jam nga ata që punojnë si celula, dhe as nga ata që hanë dreka dhe flasin në tavolina. Unë po shpreh këtu dhe një shqetësim që e kanë shumë deputetë prezentë këtu, dhe që kur të bëhet analiza do t’i shprehin edhe ata hapur mendimet e veta.
Unë mendoj se duhet bërë një analizë e thellë e qeverisë, sepse ka ministra që kanë performancë shumë të dobët.
Qeverinë duhet ta analizojë grupi parlamentar, ai që e ka votuar. Por, këta ministrat tanë nuk i përfillin më deputetët, madje as nuk i hapin telefonin sepse u duhen deputetët vetëm për fushata që të mbledhin vota. Këtë arrogancë nuk e kanë pasur as ministrat e Berishës. Ata ministra që nuk e kanë mbështetjen e grupit parlamentar, duhet të ikin.
Nuk punuam dhe sakrifikuam që të kemi këtë qeverisje sot dhe këta ministra. Ne në fushatë dolëm para njerëzve dhe u premtuam shumë gjëra.
Madje, u premtuam se do t’u çonim ujë në çdo bimë në mënyrë bashkëkohore.
Kurse qytetarët tanë që na dhanë votën, nuk kanë ujë në shtëpitë e tyre për të pirë. Si do të dalim para qytetarëve për të kërkuar votën? Varfëria është shtuar, ndërsa ministrat abuzojnë me pushtetin e tyre. Me këta drejtorë që abuzojnë do të fitojmë zgjedhjet vendore?
Drejtoresha e Tatimeve, Griselda Blanco është bërë si “Vejusha e Zezë” e Eskobarit, e cila ka vënë nënën, motrën dhe vëllain si sekserë që punojnë për përfitimet e tyre. Drejtoresha e Doganave ka burrin e saj sekser. Kjo është e vërteta!
Tom Doshi– Milena Haritos: Nuk e di se me çfarë po merresh në atë ministri zonjë, por di që nga ato konkurset e famshme të DAP-it, po fitojnë të gjithë PD-istët dhe socialistët ngelën rrugëve.
Gramoz Ruçi: Unë këto the do t’ia përcjell kryeministrit në rrugë institucionale, dhe ai do të informohet për këto shqetësime. Besoj në mbledhjen e ardhshme mund t’ia thuash edhe në sy.
Tom Doshi: Nuk ka nevojë t’ia thuash shoku Gramoz, sepse ka shumë këtu që ia kanë thënë ‘live’ kryeministrit këto
që thashë.
