Borussia Dortmund duket se ka pranuar faktin se sulmuesi Ousmane Dembele do të largohet drejt Barcelonës.
Sulmuesi francez po kërkohet me ngulm nga gjiganti katalunas, ndërsa gjermanët janë në kërkim të zëvendësuesit të tij.
Sipas ‘Sport Bild’, Dortmund ka filluar bisedimet me Paris Saint Germain për gjermanin Julian Draxler.
Me ardhjen e Neymar, sulmuesi i Gjermanisë do të mbetet në bankinë dhe mund të largohet nga kryeqyteti francez.
Gjithnjë sipas medias gjermane, Dortmund është i gatshmëm të shpenzojë rreth 40 milionë euro për transferimin e Draxlerit.
Ndërkohë sulmuesi i Francës, Ousmane Dembele, pritet t’i bashkohet Barcelonës për një shumë afër 100 milionë euro. /tesheshi.com/
