Pak javë pasi u rikonformua në krye të Akademisë së Shkencave, matematicieni Gudar Beqiraj ka dhënë dorëheqjen, duke ia paraqitur këtë presidentit Meta, i cili nuk e ka dekretuar.
Ky zhvillim vjen pas presionit të kryeministrit Rama, i cili nuk e ka pranuar emërimin e Beqirajt në krye të këtij institucioni, që në gjykimin e tij duhet reformuar pasi nuk mund të vijojë të ekzistojë me modelin e trashëguar nga komunizmi, ndërkohë që nuk ka asnjë produkt real. Rama madje ka kërcënuar dhe me bllokim fondi për Akademinë.
Pas dorëheqjes, Meta dhe Beqiraj thuhet se kanë ndarë teënjëjtin qëndrim për nevojën dhe rëndësinë e një reformimi tërësor të kërkimit shkencor dhe Akademisë së Shkencave, në drejtim të rritjes së produktivitetit shkencor në harmoni me zhvillimet e sotme të shkencës, teknologjisë dhe inovacionit, për përballimin e sfidave të rëndësishme të vendit. /tesheshi.com/
