Pas shumë negociimesh me disa aktorë ndërkombëtarë, është arritur më në fund një marrëveshjeje armëpushimi mes Izraelit dhe Hamasit, e cila do vlejë për katër ditë dhe me mundësi të hapura shtyerje.
Në këtë hark kohor do të ndodhë një shkëmbim pengjesh me të burgosur, pra izraelitësh të mbajtur nga Hamasi me palestinezë të mbajtur nga Izraeli, në kërë rast gra e fëmijë.
Më saktë, Hamasi të lirojë 50 nga pengjet që mban në Rripin e Gaza-s, ndërsa Izraeli do të lirojë 300 të burgosur, siç thuhet zyrtarisht, dyfishi i numrit prej 150 grave dhe të miturve që Izraeli ka rënë dakord të lirojë si pjesë e marrëveshjes në këmbim të lirimit të 50 pengjeve të Hamasit dhe një armëpushim katërditor në Rripin e Gaza-s”.
Qëllimi i publikimit të të dhënave të të burgosurve duket se është të mundësojë apelimet ligjore në momentin e fundit.
Hamasi vlerësohet se mban peng 237 izraelitë, pavarësisht se dhjetëra prej tyre u vranë nga bombardimet e IDF. Marrëveshja mbulon vetëm qytetarët izraelitë dhe mbetet për t’u parë nëse pengjet e huaja do të jenë pjesë e marrëveshjeve të veçanta apo do të lirohen gjatë periudhës së armëpushimit të përkohshëm.
Gjatë armëpushimit, Izraeli dhe Hamasi do t’i lejojnë Kryqit të Kuq qasje te pengjet që mbeten në Gaza. Marrëveshja parashikon që Kryqi i Kuq do të lejohet gjithashtu të ofrojë kujdes mjekësor për pengjet, sipas zyrtarëve izraelitë.
Shkëmbimi i parë i pengjeve dhe të burgosurve do të bëhet të enjten ose të premten.
Izraeli planifikon t’i japë Hamasit një “nxitje” për të liruar të gjithë pengjet që mban, duke ofruar zgjatjen e armëpushimit me një ditë shtesë për çdo 10 pengje të liruar. Me Hamasin duke shprehur rezerva se IDF do të përdorte dronët për të mbledhur inteligjencë kritike gjatë armëpushimit, Izraeli ra dakord të mos fluturonte drone për gjashtë orë çdo ditë për kohëzgjatjen e marrëveshjes.
Megjithatë, pika më e rëndësishme është fakti se izraelitët do të lejojnë rreth 300 kamionë që transportojnë ndihma humanitare – duke përfshirë karburantin – të kalojnë nëpër Rripin e Gaza-s. Megjithatë, Izraeli e ka bërë të qartë se nuk do të lejojë që palestinezët të kthehen në shtëpitë e tyre në Gaza-n veriore gjatë kësaj periudhe.
Gjithsesi, kjo marrëveshje konsiderohet dorëzim për Izraelin, pasi po ndodh ajo çfarë synonte Hamasi me pengjet. Siç duket dhe siç komentohet, humbjet e mëdha të Izraelit në luftë me Hamasin e kanë detyruar shtetin hebre që të shkojë drejt një marrëveshjeje. /tesheshi.com/
