Marrëveshja mes treshes Derhemi, Basha, Trebicka me kreun e Bashkisë Erion Veliaj, lidhur me ndërtimin e një Teatri të ri Kombëtar, ka marrë dhe viston e një tjetër emri prej atyre që e kundërshtuan fort prishjen e godinës ekzistuese, Robert Ndrenika.
Ky i fundit, në një dyshe me Derhemin, të cilët përfaqsojnë dhe breza të ndryshmë aktorësh, u bën një prej barrikadave njerëzore më të pakalueshme për të shkuar nga i vjetri te i riu.
Por, pas paktit te trë aktorëe me Veliajn, Ndrenika ndihet i qetë me kthesën e pritshme.
“Të nderuar zotërinj Arben Derhemi, Altin Basha dhe Alfred Trebicka.
I nderuar Kryetar i Bashkisë zoti Erion Veliaj!
Personalisht ju falënderoj për rezultatin e arritur! Ju sot shënuat fillimin e një marathone që le të shpresojmë do të përfundojë me ndërtimin e një Teatri Kombëtar bashkëkohor. Uroj që fryma e sinqeritetit, transparencës dhe mirëkuptimit midis jush, si përfaqësues të komunitet teatror dhe Bashkisë, të jetë deri në ditën e përurimit e më tej.
Përqafime!”, shkruan aktori i madh.
Ndërkohë, në terma politikë, Veliaj ka arritur një fitore të madhe në krijimin e profilit të një njeriu më “të urtë” se Rama. Sepse ky i fundit konsiderohet rivali i vërtetë i tij në perspektivë. /tesheshi.com/
