Eshtë dorëzuar më në fund dhe Kosova, e në rajon, është Mali i Zi që mbetet ende i paprekur nga koronavorusi.
Në Kosovë, ka qenë vetë kryeministri Kurti, i cili me në krah ministrin e Shëndetësisë Arben Vitia, kumtoi lajmin e hidhur për dy të infektuar
Ka qenë ky i fundit që konfirmoi se pas kryerjes së analizave në Laboratorin e Mikrobiologjisë Molekulare të Institutit Kombëtarë të Shëndetësisë Publike për SARS Cov 2 për 15 raste të dyshimta në Covid-19, dy prej tyre kanë rezultuar pozitive.
Fjala është për është shtetase italiane e moshës 20-vjeçare, kurse pacienti i dytë, është kosovar i moshës 77-vjeçare.
“Në këtë moment që po flasim, është mbledhur edhe Komiteti për Koordinimin dhe Vlerësimin e Situatës me Koronavirus Covid-19 për të diskutuar dhe rekomanduar masat përkatëse konform situatës së re të parapara edhe me Planin e Veprimit”, tha ministri Vitia.
Ndërsa kryeministri Kurti apeloi që thjesht të ndjekin rregullat.
“I ftoj të gjithë qytetarët që nëse kanë shenja të sëmundjes të telefonojnë në Ministrinë e Shëndetësisë në numrat të cilët janë publikuar.
Ata qytetarë të cilët kanë problem me frymëmarrje, me temperaturë, me kollë preferohet të telefonojnë me numrat në dispozicion.
Duhet të merrni masat parandaluese. Me kujdes të shtuar do t’ia dalim në këtë betejë me juve është shteti dhe qeveria”, deklaroi i pari i qeverisë së Kosovës. /tesheshi.com/
