Kreu demokrat Lulzim Basha pranoi më në fund listëhapjen e diktuar nga mazhoranca, me kushtin e mosprekjes së koalicioneve.
Pas një takimi me aleatët, ai tha se ky kusht do paraqitet në Këshillin Politik nga ana e përfaqësuesve të opozitës.
Opozita e Bashkuar do të mbështesë hapjen 100% të listave me kushtin që as koalicionet të mos ndryshojnë dhe të jenë siç janë sot. Ky propozim do të paraqitet në tryezën e Këshillit Politik.
Vendimi i gatuar nga Edi Rama për prishjen e koalicionit përbën një kërcënim real. Për hir të konsensusit po e hedhim këtë hap me kushtin që koalicionet të mbeten siç janë në ligj”, tha Basha.
Nga ana tjetër, Rama këmbëngul se koalicionet mbesin, porse jo në këtë formë që janë aktualisht, pasi hapja e listave nuk e bën të mundur. Sipas tij, koalicionet të jenë si gjithkund të Europë, pasi rasti shqiptar nuk haset askund. /tesheshi.com/
