Kryepolici i Shqipërisë Ardi Veliu ka dhënë një dorëhqje të befasishme, ndoshta paralajmëruar nga një shaka e ministrit Çuçi, bërë orë më parë në komisionin parlamentar të Sigurisë.
Mes përfoljeve për shkarkim, ai ka dhënë dorëheqjen.
Arsyetimi: “Do qëndroj pranë familjes!”
“I nderuar zoti Kryeminister,
Per mua ka qene nje nder dhe privilegj t’i sherbej vendit si Drejtues i Policise se Shtetit per kater vitet e fundit ne nje pune sfiduese e impenjative te perditshme, shpesh larg familjes e femijeve qe kane sakrifikuar bashke me mua. Jam perpjekur te jap me te miren time dhe te forcave tona policore duke menaxhuar situata komplekse nga lufta kunder trafiqeve e droges, krimit te organizuar e atij te rruges, flukset e emigranteve apo dhe tubimet shpeshhere te dhunshme.
Por ne keto moment kam vendosur te mos kerkoj nje mandat tjeter dhe t’ju ofroj dorehqjen time per t’u perkushtuar me shume familjes dhe femijeve qe tani jane ne nje moshe delikate e te cileve ju kam munguar pafund keto kater vite.
Kjo ka qene padyshim pervoja me e vyer e jetes sime dhe ju falenderoj per besimin, mbeshtetjen dhe kurajon e vazhdueshme pa te cilat nuk do kishim arritur te menaxhonim me sukses kaq shume sfida. Mezi pres te punojme serish se bashku ne te ardhmen ne sherbim te vendit tone e njerezve tane.
Me mirenjohjen me te thelle e konsideratat me te larta”, thuhet në tekstin e dorëheqjes, të cilën Rama e ka pranuar me një konsideratë pasuese.
“Me konsideratën më të lartë për ndershmërinë, profesionalizmin dhe përkushtimin e posaçëm të Drejtorit të Përgjithshëm të Policisë së Shtetit, Ardi Veliu, dhe me bindjen se ai ka akoma shumë për t’i dhënë shtetit në detyra të tjera, e falenderoj nga zemra për kontributin e vyer”, shkruan Rama.
Kjo dorëheqje vjen në një kohë kur Rama kish vendosur 100 ditë afat për një Polici ndryshe, me rezultate konkrete. /tesheshi.com/
