Presidenti i Bankës Botërore, Jim Yong Kim deklaroi dorëheqjen e tij në pozicionin e kreut të këtij institucioni që nga 1 shkurti, katër vjet para përfundimit të mandatit të tij të dytë.
Kreu i Bankës Botërore është në mënyrë tipike amerikan, ndërsa udhëheqja e Fondit Monetar Ndërkombëtar i besohet zakonisht një personi nga Evropa.
Është një ndarje e roleve që kritikohet shumë nga disa vende të tjera.
Kim, 59 vjeç, duhet të zëvendësohet përkohësisht nga Kristalina Georgieva, drejtore ekzekutiv i Bankës Botërore, njoftoi institucioni me bazë në Uashington.
“Ishte një nder i madh për të shërbyer si president i një institucioni të tillë me reputacion”, tha Jim Yong Kim në deklaratën e tij, i cili nuk specifikon arsyet pse u vetlargua.
“Puna e Bankës Botërore është më e rëndësishme se kurrë në një kohë kur aspiratat në botë, dhe probleme të tilla si ndryshimi i klimës, epidemitë, uria dhe refugjatët vazhdojnë të rriten edhe në drejtim të shkallës dhe kompleksitetit”, shkroi Jim Yong Kim. /tesheshi.com/
