Pasi nga Vetëvendosja u largua dhe Besa Baftiu, ndodhur kjo ditë pas largimit të ndër më të rëndësishmëve në këtë parti, Shpend Ahmetit, Albin Kurti është përpjekjur ta përcjellë këtë zhvillim të pazakontë në forcën që ai e udhëheq me një konstatim moskokëçarës.
“Nga Lëvizja VETËVENDOSJE! ka disa dorëheqje dhe dalje, që janë për keqardhje dhe të gabueshme, por në Lëvizjen VETËVENDOSJE! nuk ka as ndarje dhe as ndalje!”, mësohet të jetë shprehur lideri historik i VV-së, cituar nga faqja në FB, “Mbështetësit e Albin Kurtit”.
Prej javësh, Vetëvendosje është përfshirën nga një krizë e beftë, gati e paparalajmëruar, shoqëruar me ikje të vazhdueshme të shumë emrave të saj. Një nga ata ishte dhe Visar Ymeri në pozitat e kryetarit.
Për paradoks, gjithçka nisi sapo VV korri një fitore në zgjedhje lokale duke marrë, veç Prishtinës dhe për një mandat, edhe Komunën e Prizrenit. /tesheshi.com/
