Shefi i deputetëve të Lëvizjes Vetëvendosje, Glauk Konjufca pas mbledhjes së Kryesisë së partisë ka folur për përçarjet si dhe dorëheqjet e kryetarit Visar Ymeri dhe nënkryetarit Dardan Sejdiu. Ai tha se nuk pajtohet me aktin e dorëheqjes, dhënë si nga kryetari Visar Ymeri e si nga nr. 2 Dardan Sejdiu.
“Unë mendoj se për të gjitha mospajtimet apo dallimet në diskutime që i kemi nuk janë të arsyeshme dorëheqjen nga VV-ja. Nuk mendoj se i bën mirë njeriu VV-së duke dhënë dorëheqje. Fuqia dhe ndikimi politik i VV-së në skenën politike të Kosovës dhe në mbarë shqiptarinë që ka ardhur duke u rritur nuk ka ardhur vetëm si pasojë që ne i kemi konceptet e drejta, po edhe për arsye se kemi qenë bashkë gjithmonë dhe kjo është një pjesë e fuqisë sonë. Në momentin që kemi të bëjmë me dorëheqje kjo nuk i bën mirë as Kosovës as Lëvizjes Vetëvendosje”, ka thënë Konjufca. /tesheshi.com/
