Një anëtare e rrethit të brendshëm të këshilltarëve të Viktor Orban dha dorëheqjen pasi kryeministri hungarez tha në një fjalim të shtunën se ishte kundër që ata të shndërroheshin në “popuj të racës së përzier”.
Zsuzsa Hegedus, e cila e njeh Orbanin prej 20 vitesh, e përshkroi fjalimin si një “tekst të pastër nazist”, raportojnë mediat hungareze, transmeton BBC.
Komiteti Ndërkombëtar i Aushvicit e quajti fjalimin “i marrë dhe të rrezikshëm”.
Por zëdhënësi i Orban tha se media i kishte keqinterpretuar komentet.
Fjalimi u mbajt të shtunën në një rajon të Rumanisë që ka një komunitet të madh hungarez. Në të, Orbán tha se popujt evropianë duhet të përzihen lirisht me njëri-tjetrin, por se përzierja me ata jashtë Evropës kishte krijuar një “botë të racave të përziera”.
“Ne jemi gati të përzihemi me njëri-tjetrin, por nuk duam të bëhemi popuj me raca të përziera”, tha ai.
Pikëpamjet kundër emigracionit të Orbanit janë të njohura, por fjalimi i së shtunës për Hegedus e kaloi kufirin. /tesheshi.com/
