Don Harwin, ministri i Kulturës në qeverinë australiane, ka dhënë dorëheqjen pasi u zbulua se po jetonte në vilën e tij buzë detit, megjithë ndalesat për të udhëtuar, përveçse në raste urgjente, raportoi dpa.
Policia gjithashtu ngarkoi shoferët me mijëra dollarë dënime për shkeljen e karantinës në ditën e parë të Pashkëve.
Ministri Harwin dha dorëheqjen pasi u fotografua duke duke blerë rroba dhe duke qëndruar në vilën e tij, në vend që të qëndronte në apartamentin e qytetit të tij, duke shkelur kështu ligjin e karantinës.
Kryeministri Scott Morrison u ka kërkuar të gjithë australianëve që të qëndrojnë në shtëpi dhe të mos udhëtojnë në vilat e tyre, pasi kështu mund të përhapin koronavirusin.
Policia gjobiti 1000 dollarë Harwin për shkelje të rendit shëndetësor publik, por nën presionin politik ai dha dorëheqjen më vonë gjatë ditës.
“Asgjë nuk është më e rëndësishme se puna e qeverisë për të luftuar koronavirusin,” i tha Harwin televizionit kombëtar ABC.
“Unë nuk do të lejoj që veprimet e mia të jenë një shpërqendrim nga kjo përpjekje dhe më vjen keq që zgjidhja ime e strehimit është bërë problem gjatë kësaj kohe.”
Australianëve u është ndaluar të largohen nga shtëpitë e tyre gjatë Pashkëve, përveç nëse kanë arsye të rëndësishme siç janë blerja e ushqimit.
Ky është i dyti rast që një ministër jep dorëhqeje për shkak të shkeljes së karantinës. Ditë më parë, ministri i Shëndetësië në Zelandën e Re, David Clark, pos që u vetëlargua nga detyra, e shpalli veten dhe idiot për shkak të shkeljes së rregullave. Ai zgjodhi të shkojë me familjen në plazh në kushte karantine. /tesheshi.com/
