Dorëheqja e Artan Shkëmbit nga kreu i Bashkisë së Pogradecit, më shumë se si një akt i urtë, është parë me shumë dyshime, sipas fabulës me autor “popullin”, se ku fshihet “lepuri” i gjithë kësaj. Në fillim u tha se tërheqja e Shkëmbit ishte një zgjedhje e tij që të mos pësonte fatin e homologut vlonjat Shpëtim Gjika. Por së fundi është përcjellë një e dhënë në media, se ai do jetë në krye të Agjencisë për Reformën Territoriale. Kjo tregon për krizën e thellë morale që ka mbërthyer shoqërinë shqiptare, ku dhe kur ndodh diçka pozitive, siç është dorhëqja e dikujt nga një post a detyrë – një gjest që kërkohet me të madhe si akt moral në politikë – kjo provokon akoma më shumë paragjykime. Sipas (a)logjikës së lajmit të dhënë, pas dorheqjes, Shkëmbi nuk duhet të punonte asgjëkundi tjetër!
