Lojtarët “legjionarë” shqiptarë që luajnë jashtë vendit, kanë patur ofertat e tyre në këtë kohë merkatoje.
Por “bujë” për mediat gjermane, ka bërë vëmendja që po i kushton Borusia e Dordmundit, mesfushorit Amir Abrashi.
Shqiptari po shihet si mundësi për të plotësuar mesfushën “e luftuar” të Dordmundit, i cili shpesh ka bërë blerje pikante.
Abrashi që luan aktualisht me Friburg, është konfirmuar tashmë në Bundesligë dhe është i gatshëm për “një hap më tej”, në karrierën e tij.
Vlera e mesfushorit sillet rreth 2 milion e gjysëm euro dhe tratativa me të verdhët, tashmë ka nisur. Abrashi ka një kontratë me Friburg, deri në vitin 2020. /tesheshi.com/
