Dwight Turner, 50 vjeç, nga Florida, pagoi 150 dollarë për të pasur një kontakt të ngushtë me një leopard të zi.
Por takimi me kafshën e egër nuk shkoi sipas planit, pasi ajo e sulmoi dhe gjymtoi atë më 31 gusht, e kështu ai duhej t’i nënshtrohej dy operacioneve.
Turner ra dakort me pronarin e leopardit Michael Poggi, 54 vjeç, që të vinte në pasurinë e tij dhe të luante me kafshën e bukur por jo të butë; ta ledhatonte dhe të bënte fotografi me të.
Pasi Poggi zhbllokoi kafazin, Turner hyri dhe u ul në stol. Leopardi filloi të kundronte mysafirin e paftuar dhe më pas sulmoi duke e kafshuar në kokë dhe vesh, shkruan Independent.
“Dwight Turner pësoi dëmtime në kokë dhe veshin e djathtë,” tha Shoqata e Peshkut dhe e Kafshëve të Egra (FWC) në një deklaratë.
Poggi pranoi para hetuesve të FWC se ai e dinte që kishte bërë diçka të paligjshme.
Në faqen e tij në Facebook, Poggy deklaroi se ai është “një mbrojtës i specieve ekzotike të rralla ose të rrezikuara” dhe se ai “ka shpëtuar mijëra kafshë ekzotike në 35 vitet e fundit”.
Faqja e tij në Facebook e quajtur Poggi’s Animal House u çaktivizua pas incidentit. /tesheshi.com/
