Pushimet s’kanë kuptim pa muzikë, foto, video, Instagram, Facebook, Snapchat e ndonjë program tjetër. Mirëpo është diçka që na mundon shumë dhe na e prish qejfin. Bëhet fjalë për internetin në celularin tonë i cili konsumohet shumë shpejt dhe kur na vjen ai mesazhi që kemi konsumuar 80% të ofertës, acarohemi.
Fotot me rezolucion të lartë dhe videot që shihni harxhojnë shumë MB internet në pak minuta.
Çfarë mund të bëni për këtë? Së pari, mund të ndaloni mundësinë që videot të luhen automatikisht në celularin tuaj. Për këtë ndiqni këto hapa.
Tek More (tre vijat horizontale në skajin e djathtë lart) > Help and Settings > App Settings > Auto-play. Sipas PcWorld, gjithashtu, ekziston një mënyrë më e mirë për të kursyer dhe ajo është Data Saver.
Cili është funksioni i Data Saver? Data Saver jo vetëm që ndalon luajtjen automatike të videove, por gjithashtu redukton rezolucionin e çdo imazhi që shfaqet në News Feed. Për ta aktivizuar duhet të drejtoheni tek opsioni More.
Shfletoni gjersa të gjeni Data Saver. Në ndërfaqen e radhës që do të shfaqet, klikoni On. Pasi ta keni aktivizuar do t’ju dalë një opsion i ri i cili u kërkon ç’aktivizimin e saj kur jeni të lidhur me Wi-Fi./tesheshi.com/
