Presidenti i Bashkimit Europian-së, Donald Tusk deklaroi pas takimit me Edi Ramën se hapja e negociatave ende nuk është mbyllur dhe se Shqipëria do të ketë një garë me pengesa deri në maj.
Por ai tha se duhet të llogarisni mbështetjen e kreut më të lartë të BE-së, pra vetë Tusk-ut, një politikan që drejton klubin e krerëve të shteteve anëtare.
I pritur me një ceremoni të posaçme në Pallatin e Brigadave, për të dhënë nga Rama një protokoll sa më presidencial, Tusk megjithatë tha se Ballkani duhet të kalojë një periudhë prove para anëtarësimit, për të treguar se është gati të krijojë një BE brenda vetes.
“Duhet të jepni prova konektiviteti përpara se të anëtarësoheni. Keni mbështetjen time, por duhet të bindni çdo vend anëtar dhe të ndryshoni.
Ju përgëzoj për rekomandimin. Po bëheni gati të nisni një projetin më pozitiv të vendit tuaj. Negociatat nuk janë të lehta por ja vlejnë. Kur vendi im nisi bisedimet ne e dinim se shumëçka duhet të ndryshojë.
BE është ëndrra ime që Shqipëria të ndjekë ëndrrën time.
Kjo s’do të ndodhë brenda natës por kërkon shumë sfida.
Bindja e vendeve anëtarëve është garë me pengesa por mund të mbështetemi tek unë. Jam optimist.
BE është donatorja dhe partnerja më e madhe për të gjithë Ballkanin.78% e eksporteve tuaja shkojnë në BE, Kina 3% e Rusia 0.
Vizita në Tiranë, ndalesa e parë e turit ballkanik. Më 17 maj në Sofje do të riafirmojmë prespektivën e zgjerimit, por edhe të përcaktojmë mënyrat e mjetet për lidhjet brenda rajonit.
Shqipëria të jetë e integruar në koridoret e Ballkanit. Të investohet në energji dhe ndërlidhje, të rinjtë do të kenë mundësi për të studiuar në BE. Para anëtarësimit Ballkani duhet të bëjë një provë se si sillet me njëri tjetrin. Nëse e kaloni provën ok”, tha Tusk.
Kurse kryeministri Edi Rama e konsideroi anëtarësimin në Bashkimin Europian me interes kombëtar për shqiptarët.
“Të gjithë shqiptarët presin me padurim të vazhdojmë në këtë rrugë dhe të kemi sa më parë të jetë e mundur, mbështetjen e plotë e të gjitha vendeve anëtare për këtë rekomandim.
Ne rekomandimin e cilësojmë si përfundimin e një faze dhe çeljen e një faze të re, më sfiduese edhe më të vështirë në rrugën drejt anëtarësimit në BE.
Për ne ky proces lidhet me të ardhmen e vendit tonë, me ndërtimin e gjeneratave të ardhshme dhe detyrimin për të ndërtuar Shqipërinë evropiane këtu në Shqipëri.
Është një proces që kërkon durim, kohë, një proces jo vetëm sa na e kërkojnë të tjerët, por një proces se na e kërkon interesi kombëtar.
Ky proces transformues për rajonin është i lidhur me perspektivën evropiane të vendeve të rajonit”, tha Rama. /tesheshi.com/
