Një prej mediave britanike citon presidentin Donald Trump të ketë thënë se se i pëlqen dhe i respekton meslimanët, dhe se ata e mbështesin atë dhe politikat e tij.
I pyetur nga Piers Morgan për pretendimet se është islamofobik, ai tha: “Kjo është rrenë e kulluar … kjo është rrenë”, shkruan Metro.co.uk
“Unë ndiej dashuri për të gjithë njerëzit. Por nëse një person është i keq ne duhet të bëjmë diçka lidhur me këtë. Duhet të ketë ndëshkim. Kam mbështetje të madhe nga muslimanët. Kam pasur mbështetje nga muslimanët gjatë fushatës sime presidenciale dhe mendoj se kam mbështetje edhe tani”.
Trump u kritikua për ripostim të komenteve nga grupi i ekstremit të djathtë, kreu i lëvizjes “Britania e Para”, Jayda Fransen në nëntor.
Trump tani insiston që ishte një keqkuptim nga ana e tij dhe këmbënguli që muslimanët mbështesin politikat e tij të sigurisë. Ai tha: “Ata duan të jenë të sigurt Piers. Kam mbështetje të madhe nga muslimanët”. /tesheshi.com/
