Kandidati republikan në zgjedhjet presidenciale në SHBA nuk ka ngurruar të japë opinionin e tij për ngjarjen e ditës në nivel global, vendimin e britanikëve nëpërmjet referendumit për të dalë nga BE-ja.
I gjendur në Skoci për arsye biznesi, Donald Trump u është përgjigjur pyetjeve të gazetarëve në lidhje me referendumin dhe rezultatin e tij.
“Ata rimorën kontrollin e vendit të tyre,” ka thënë Trump për britanikët. “Eshtë diçka e madhe.”
“Njerëzit janë të zemëruar në tërë botën,” ka vijuar njeriu që aq mirë di të ngjallë debate.
“Janë të zemëruar për kufijtë, janë të zemëruar për njerëzit që vijnë në vend dhe i marrin gjërat në dorë. Askush nuk e di kush janë ata. Janë të zemëruar për shumë, për shumë gjëra.”
I pyetur në e kishte fjalën për SHBA-të apo për Mbretërinë e Bashkuar, Trump do të përgjigje: “Ka plot vende të tjera. Ky nuk do të jetë i fundit.” /tesheshi.com/
