Presidenti Trump ka kritikuar prodhuesit evropianë të automjeteve, duke sugjeruar se mund të fusë detyrime për importet e BMW-së dhe Mercedesit, nëse ata nuk ndërtojnë më shumë fabrika në tokën amerikane.
Në një intervistë me Maria Bartiromo të Rrjetit të Biznesit Fox, Trump tha se ai hodhi poshtë propozimet e BE-së që të ulin tarifat e automjetev nga të dyja palët në zero.
“Ata kanë BMW, kanë Mercedes, kanë një shumë makinash të mira që i importojmë”. Unë dua që ata t’i prodhojnë këtu. Nëse duan të shesin për amerikanët, t’i prodhojnë këtu”, ka thënë Trump, referuar dy gjigandëve gjermanë.
Komentet e Trump vijnë rreth një muaj pasi Ministria e Tregtisë përfundoi një hetim nëse automjetet e importuara kërcënuan sigurinë kombëtare dhe ia kaloi përfundimet e saj Shtëpisë së Bardhë.
Rezultatet e raportit nuk janë publikuar.
Presidenti i Shteteve të Bashkuara ka një afat deri në mes të majit për të vendosur se cilat veprime duhet të ndërmerren në përputhje me atë raport.
Ai mund të imponojë detyrime doganore deri në 25 përqind në importet e të gjitha makinave dhe pjesëve të automobilave, ose vetëm për disa nga vende të caktuara. Pikëpamja për një gjë të tillë ka ngjallur një kundërshtim të fortë në Kongres.
Industria amerikane e automobilave gjithashtu kundërshton taksat sepse përdor pjesë të importuara auto, të cilat do të ishin më të shtrenjta nëse do të vendoseshin detyrimet doganore.
Në intervistën e tij në rrjetin Fox Business, Trump tha se heqja e detyrimeve doganore për të gjitha shitësit e makinave nuk do të ndihmonte domosdoshmërisht prodhuesit e automjeteve të SHBA.
“Problemi është se Chevrolet kurrë nuk do të pranohet në Evropë, pasi Mercedes është pranuar këtu, kështu që kjo nuk është një marrëveshje e mirë”, tha ai. /tesheshi.com/
