Ambasadori amerikan në Tiranë Donald Lu, nuk ka mjaftuar me akuzën për braktisje; në aktivitetin për trafikimin, Lu tha se drejtues të shtetit kanë trafikuar qenie njerëzore në vend.
“Ndiej neveri që disa prej drejtuesve të votuar të këtij vendi ma merr mendja edhe nga vende të tjera nga rajoni kanë qenë burrat që i shitën këto vajza të pafajshme në skllavëri. Ata duhet të arrestohen dhe të dënohen me të gjithë fuqinë e ligjit”, tha Lu.
Më tej, ambasadori Donald Lu i ka bërë një thirrje të fortë qeverisë shqiptare lidhur me trafikimin e qenieve njerëzore. Donald Lu i ka kërkuar qeverisë të dorëzojë me urgjencë fondet për gratë dhe fëmijët që bien viktima të trafikimit.
Ai theksoi se shumë gra e vajza janë trafikuar dhe për këtë duhet jo vetëm të dënohen trafikantët. E vajzat që mbahen në strehat përkatëse, por kur të dalin prej tyre të jenë të sigurta dhe me vetëbesim.
“Qëllimi afatgjatë nuk është vendosja e viktimave në streheza, por që të dalin prej tyre me aftësi. Siguri financiare dhe vetëbesim. i bej thirrje qeverisë në gjithë rajonin, por vecanërisht asaj në Shqipëri.
Të ofrojnë fonde për strehëzat e grave dhe fëmijëve që trafikohen. Këtu ka nevojë që qeveria jo vetëm të angazhohet politikisht për financimin.
Por edhe t\i dorëzojë me të vërtetë këto fonde dhe pa vonesa. Keni mbështetjen tonë të plotë”– tha ai. /tesheshi.com/
