Donald Lu është ulur mbrëmë në kompjuter, ka shkruar një letër dhe e ka printuar 140 kopje. Po mbrëmë në darkë, me postë speciale ua ka dërguar të gjithë deputetëve të Kuvendit.
Letra nuk është shpërndarë për mediat nga ambasada, por siç mësohet nga deputetët, ajo është e fortë dhe shkoqur.
Ambasadori amerikan u kërkon hapur deputetëve që të votojnë reformën për Drejtësi më 21 korrik, edhe nëse liderët nuk arrijnë në kompromis politik.
Ambasadori Lu thekson në mënyrë të prerë se nëse dështoi reforma, atëherë përkeqësohen drastikisht dhe dramatikisht marrëdhëniet e Shteteve të Bashkuara me Shqipërinë.
“Është koha për të marrë një vendim, votimi është parashikuar më 21 korrik. Ka ende kohë që udhëheqësit të gjejnë një kompromis që të mbështetet nga opozita dhe mazhoranca. Nëse udhëheqësit politik nuk e duan konsensusin, ju bëjmë thirrje ta votoni reformën. SHBA është një aleat strategjik i Shqipërisë. Ndikimi politik në sistemin tuaj të drejtësisë kërcënon shoqërinë dhe dobëson aleancën tonë. Si aleati NATO-s është në interesin kombëtar të SHBA që Shqipëria të mbetet një demokraci e fortë dhe e sigurtë”, shkruan ndër të tjera ambasadori i SHBA. /tesheshi.com/
