Donald Lu ka deklaruar se duhet arrestuar “Al Capone” shqiptar dhe për këtë do duhet të trajnohen një ekip i special policësh të trajnuar nga FBI.
“Kur ishim në universitet, Hollyvvood nxori filmin e titulluar ‘The untouchables’ ose në gjuhën shqipe ‘Të paprekshmit’.
Aktori i famshëm shqiptaro-amerikan Robert De Niro, luante rolin e gangsterit Al Capone. Historia zhvillohej mbi njësinë elitare hetimore të quajtur “Të paprekshmit”.
Ata nuk ishin quajtur të tillë për shkak se qenë mbi ligjin por sepse ishin të imunizuar prej korrupsionit dhe frikësimit. Në një kohë kur Chicago ishte i mirënjohur për korrupsionin në nivele të larta dhe kontrollin e mafias të ngulitur thellë kjo njësi e pakorruptueshme e pavarur qe në gjendje të arrestonte Al Capone-n e famshme. Kjo është ajo që ne shpresojmë se do të krijohet në Shqipëri. Një njësi e pavarur hetimore për të luftuar korrupsionin dhe krimet e kryera nga zyrtarë të lartë”.
Qeveria e SHBA do të akordojë një shumë të konsiderueshme për të trajnuar policët që do të hetojnë dhe arrestojnë politikanët e korruptuar. Shifra do të bëhet publike gjatë vizitës së Edi Ramës në Shtëpinë e Bardhë.
Shtetet e Bashkuara të Amerikës kanë vendosur të investojnë miliona dollarë për të trajnuar policët e njësisë antikorrupsion të Byrosë Kombëtare të Hetimit. Ata do të trajnohen nga FBI.
Lajmi është konfirmuar sot nga Ambasadori amerikan Donald Lu. Ambasadori tha se një agjent i FBI-së do të vendoset në Tiranë.
Më tej ai tha se Byroja Kombëtare e Hetimit duhet të miratohet bashkë me reformën në drejtësi duke i tërhequr vëmëndjen politikës të mos e përdorin reformën e byronë për përfitim e politike
Ndërkaq, sot është arritur më në fund marrëveshja për varësinë e Byrosë Kombëatre të Hetimit.
Mazhoranca dhe opozita vendosën që Byroja e hetimit të varet nga Prokuroria e Përgjithshme. Kjo marrëveshje i hap rrugë edhe miratimit të refromës në drejtësi
Mosmarrëveshjet për varësinë e Byrosë së Hetimit mbajtën peng miratimin e këtij institucioni për disa muaj me radhë.
Komisioni i Venecias kishte rekomanduar që ky institucion i ri, që do të ngrihet të jetë në varësi të prokurorisë.
Përgatiti: Ylli Pata – /tesheshi.com/
