I magjepsur pas vendit tonë Donald Lu nuk rresht së futuri në kokë idetë e tij Shqipëridashëse edhe te “Vullnetarët e Paqes”, apo te diplomatët paralelë që lëvizin në çdo qytet të Shqipërisë.
Gjatë një fjalimi para tyre , Donald Lu nuk ka folur për politikë, peshq, reformë në drejtësi apo gjëra të tilla. Ai ka prekur dramën e madhe të ndarjes shqiptare nga komunizmi, për të cilën thotë se e ka kuptuar vetëm kur ka lexuar Fatos Lubonjën.
“Shqiptarët e brezit tim, njerëz që kanë jetuar nën komunizëm, kanë plagë të thella dhe të vërteta.
Mendoja se kisha kuptuar tragjedinë e komunizmit shqiptar. Më pas lexova librin ‘Ridënimi’ të Fatos Lubonjës dhe u bë e qartë që as nuk kisha filluar ta kuptoja betejën, tragjedinë dhe guximin e njerëzve, që jetuan gjatë asaj periudhe.
Njerëzit e moshës suaj kanë gjithashtu histori të mrekullueshme rreth vullnetit absolut për të mbijetuar. Gjatë pasigurisë pas rënies së komunizmit dhe kaosit të trazirave, dhe pragun e luftës civile të të viteve 1990, ky është një vend ku historia ka rëndësi”, deklaroi Donald Lu
Lu më tej e ka cilësuar Shqipërinë si më të mirë se Kalifornia Jugore, që është vendlindja e tij.
“Po jetoni në një vend me disa nga ushqimet më të mira se kudo jashtë Amerikës ku kam jetuar thuajse në 30 vite.
Bukuria natyrore më kujton shtëpinë time në Kaliforninë Jugore dhe populli më miqësor dhe më pro-amerikan në botë. Për të kuptuar heroizmin dhe sakrificën e popullit shqiptar është thelbësore të njihni historinë e tij. /tesheshi.com/
