Deklarata e djeshme e ambasadorit të Shteteve të Amerikës në Tiranë, Donald Lu mbi aktivizimin e dy agjencive më të fuqishme federale të SHBA-së në Shqipëri, kanë sjellë një kapërcim cilësor të kësaj marrëdhënie.
Sipas planit fillestar apo i ashtuquajturi “Plani A”, të SHBA dhe BE-së, ishte që në nëntor të kishte nisur punën të paktën Byroja Kombëtare e Hetimit edhe Prokuroria Speciale.
Por ne jemi sot këtu dhe Gjykata Kushtetuese ka hedhur poshtë ligjin thelbësor të reformës në drejtësi që është ligji i vettingut.
Dhe sipas skemës, asnjë nga përfaqësuesit e gjyqësorit të ri nuk kalojnë dot në filtër.
Dhe nisur nga kjo, është aktivizuar i ashtuquajturi “Plani B”, i cili ballafaqon një ndërhyrje direkte të agjencive të SHBA-së dhe Bashkimit Europian në kapjen e “peshqve të mëdhenj”.
Këtë e ka deklaruar në mënyrë të qartë ambasadori Lu në konferencën e djeshme për shtyp.
“Më lejoni të përmend disa nga gjërat që Shtetet e Bashkuara i bëjnë tashmë. Së pari, Agjencia e Anti-Drogës e SHBA – DEA – po punon ngushtë me autoritetet Shqiptare për të arrestuar trafikantët e drogës – peshqit e mëdhenj – dhe jemi veçanërisht të përqendruar tek ata që trafikojnë heroinë dhe kokainë nëpërmjet vendit tuaj. Së dyti, për shtatë vite, kemi punuar me Ministrinë e Arsimit në shkollat e Shqipërisë për të ndihmuar që të rinjve t’iu mësohen rreziqet e drogës. Në karrierën time kam jetuar në shumë vende ku një brez i tërë është sakrifikuar prej përhapjes së tmerrshme të narkotikëve të paligjshëm; dhe, e treat, me anë të trajnimeve, ekspertizës sonë teknike dhe instalimit të teknologjisë komerciale, teknologji të lartë skanimi, po mbështesim policinë e kufirit dhe doganat për të kapur më shumë droga të paligjshme që hyjnë dhe dalin në kufijtë e Shqipërisë. Megjithatë, dua vërtet të them për të gjithë ata që janë kritikë e asaj që po ndodh dhe luftojnë në media për problemin e drogës, kërkesa që kam për të gjithë ata është: ndaloni sherret dhe të përpiqemi të gjejmë një mënyrë që edhe të pranojmë problemet serioze që ndodhin në Shqipëri por edhe të punojmë sëbashku për t’i luftuar ato”.
Kjo ishte fraza e Lu-së që përkoi në të njëjtën ditë me vizitën në Hagë të kreut të Policisë së Shtetit, Haki Çako.
Siç a ka bërë të ditur në disa shkrime tesheshi.com, Europol-i ka ndërmarrë një aksion të gjerë për të kapur baronët e drogës në Europë.
Dy javë më parë në një operacion të madh u kapën kapot e mafias shqiptare të drogave të rënda.
Por në bisedat me organet e drejtësisë ata kanë folur dhe kanë dhënë adresat e tyre në Tiranë, opra aty ku depozitohen miliardat dhe ku ndodhen kapot.
Ndaj dhe prej ditësh në kryeqytetin shqiptar ndodhen skuadra operacionale të DEA-s dhe disa prej policive të vendeve të BE-së ku pasha më e madhe i është dhënë Interforce-s dhe Guardia di Finanzia-s.
Ata do të arrestojnë kapot e indikuar nga qehjallarët e tyre, duke përdorur jo një mandat arresti shqiptar, por një mandat ndërkombëtar, pikërisht për aktivitetin e këtyre organizatave të krimit në SHBA dhe vendet e BE-së.
Prej disa vitesh, DEA ka arrestuar një ish-zyrtar shqiptar që ndodhet si i penduar i FBI-së dhe DEA-s në Nju Jork.
Ndaj dhe ambasadori Lu përmendi nisjen e këtij aksioni. /tesheshi.com/
