I quajturi Don Fabio, trajneri legjendar italian Fabio Capello, ka vendosur t’i japë fund karrierës së tij si trajner në moshën 71-vjeçare.
Super i suksesshëm me klube, por pak ose aspak me kombëtare, Capello tha se nuk kishte asnjë synim për pankinën italiane duke zgjedhur të ikë nga pankina si drejtues klubesh
“I kisha një eksperiencë me Anglinë dhe Rusinë. Doja të drejtoja edhe një tjetër klub dhe Jiangsu (klubi kinez), ishte angazhimi im i fundit në futboll. Kam bërë gjithçka që kam dashur. Jam i lumtur me atë që kam bërë dhe tani do të shijoj rolin e analistit. Në këtë rol çdo herë del i fituar”, tha Capello gjatë një interviste në Radio RAI.
Ish-drejtues i Milanit, Juventusit, Romës dhe Realit, suksesin më të madh Don Fabio e ka pati me klubin e Berlusconit duke fituar katër tituj kampionë në Seria A dhe një Champions League në ’94-ën. /tesheshi.com/
