Në një gjendje ftohjeje me SHBA, PD ka gjetur rastin për të kuruar sado pak imazhin te politika amerikane, duke shfrytazuar rastin e ekzekutimit të gjeneralit irianian Qassem Soleimani.
“Partia Demokratike mbështet angazhimin e SHBA në luftë kundër terrorit. Vendimi i presidentit Trump për goditjen e njërit prej arkitektëve dhe drejtuesve të aktiviteteve terroriste është nje akt i fortë lidershipi dhe mbrojtje e vlerave demokratike e të paqes”, thuhet në një deklaratë të PD-së.
Dhe më pas vjen pjesa e dytë e deklaratës, ku PD e sheh veten në pushtet, duke qenë në krah të SHBA.
“Partia Demokratike, në çdo kohë, qëndron në krah të SHBA,sot në opozitë duke u solidarizuar tërësisht dhe nesër në qeverisjen e vendit me angazhim total e akitv në përmbushje tē detyrimeve e kontributeve në mbështetje të plotë të Koalicionit Global kundër Terrorit, tē udhëhequr nga SHBA”, përfundon deklarata.
Por ndërkohë kujtojmë se raportet mes tyre kanë pësuar krisje që me qëndrimin refuzues të PD-së për të pranuar kalimin nga Shqipëria të armëve kimike të Sirisë, e gjithë në funksion të luftës politike të brendshme, e më pas me qëndrimet anti-Reformë në Drejtësi, të cilat SHBA i kanë përkthyer nga politika bojkotuese e institucioneve. /tesheshi.com/
