Kryeministri në ikje Ramush Haradinaj, ka sulmuar sërish pasardhësin e tij në pritje Albin Kurti, duke e quajtur sërish si mashtrues.
“Koncepti që ai po e përfaqëson në politikë është mashtrim…Ai gjithë kohën ka bërë politikë me qenë kauzë vet. Me mbet kauzë ai nuk e ka qëllimin t’i krijojë institucionet.
Pra nuk ka me krijuar qeveri Albin Kurti, ai ka me vazhduar me mbet në kauzë, me vazhduar me mbledh rreth vetës njerëz për një kauzë por nuk është përmirësimi i gjendjes në shëndetësi, arsim apo krijim të vendeve të punës. Kjo shihet shumë qartë nga qasja e tij për të krijuar institucionet, me krijuar qeverinë”, tha Haradinaj në Kuvendin e Punës të AAK-së.
Kujtojmë se dhe gjatë fushatës elektorale, Haradinaj e sulmonte mësë tepërmi Kurtin,duke e quajtur marksist. Por në rezultat, Haradinaj qe humbësi më i madh i zgjedhjeve. /tesheshi.com/
