Një dokument me siglën e Departamentit të Shtetit të SHBA, i ka vënë fre dalldisë së disa emrave të politikës shqiptare, por jo vetëm, të cilët janë vetëreklamuar si të ftuar në ceremoninë e inagurimit të presidentit të ri, Donald Trump më datë 20 janar. Asnjë zyrtar i huaj nuk është i ftuar në ceremoninë e betimi të presidentit të Shteteve të Bashkuara të Amerikës, Donald Trump.
Siç citohet nga Top Channel, ky dokument që iu është dërguar selive diplomatike të akredituara në Uashington, nënvizon faktin se të ftuar në ceremoni do jenë vetëm ambasadorët e akredituar në Uashington. “Si në të kaluarën, delegacione të huaja nuk do të ftohen në Uashington për këtë ngjarje. Shefat e misioneve diplomatike të vendosur në Uashington, së bashku me bashkëshortët/et, do të përfaqësojnë kryetarët e shteteve dhe qeveritë e tyre në ngjarjen kryesore të inaugurimit. Kjo ftesë nuk është e transferueshme”, thuhet në dokument; gjë që do të thotë se prezente në ceremoni do të jetë vetëm ambasadorja e hqipërisë në Amerikë, Floreta Faber.
Por për ku janë nisur kreu i Kuvendit, Ilir Meta; ai i opozitës Lulzim Basha; i Republikanes, Fatmir Mediu; ministri Blendi Klosi dhe deputeti socialist Ervin Bushati?
Ata do jenë një një aneks të ceremonisë, por jo në vetë ceremoninë! /tesheshi.com/
