Georgina Rodríguez dhe Cristiano Ronaldo janë në qendër të vëmendjes në Arabinë Saudite për shkak të një dokumenti.
Në janar qarkulloi në internet një video e një dokumenti në të cilin Georgina ishte etiketuar si “skllavja e Cristiano Ronaldos”, por më pas u konstatua se dokumenti ishte fals, ishte fotomontazh.
Çifti mori leje të posaçme nga qeveria saudite për të jetuar së bashku edhe pse nuk janë të martuar, një veprim i ndaluar nga ligjet e vendit, i cili është i lidhur ngushtë me Islamin.
Në dokumentin, i cili u përkthye nga përdoruesit e Twitter-it, Georgina quhet një “skllave” e sulmuesit të Al-Nasr.
“Një grua në Arabinë Saudite nuk mund të ketë asnjë pavarësi apo autonomi, kështu që asaj iu dha një “titull” që i përket Cristiano Ronaldos,” tha një TikToker i famshëm që postoi dokumentin.
Sipas ekspertëve të kulturës arabe, kjo buron nga kuadri ligjor në Arabinë Saudite që lidhet ngushtë me praktikimin e Islamit.
Georgina dhe Ronaldo nuk janë zyrtarisht të martuar, që do të thotë se ajo duhet të regjistrohet si “dora e djathtë” e tij, pasi edhe ata kishin vështirësi të merrnin lejen për të jetuar së bashku.
Sipas informacioneve të versionit arab të CNN, autoritetet saudite i janë shmangur komentit për vërtetësinë e dokumentit që është bërë viral në rrjetet sociale. Por, ky portal ka theksuar se dokumentacioni është i rremë, siç kanë deklaruar edhe disa përdorues sauditë të rrjeteve sociale.
Një gjë është e sigurt, Georginës nuk i mungon asgjë, transmeton Sportal.
“Këtu ndihem shumë e sigurt dhe vlerësoj vlerat e forta familjare. U ndjeva shumë me fat kur vizitova shkretëtirën saudite dhe bëra një lidhje të veçantë me këtë vend magjik”, tha Georgina.
Gjithashtu, sipas saj, netët në shkretëtirë janë “të fuqishme, magjike dhe të pabesueshme”, dhe atmosfera është e ndryshme në të gjithë vendin tani për tani.
“Atmosfera në Arabinë Saudite është krejt ndryshe këto ditë sepse ishte Ramazani, muaji i shenjtë në të cilin muslimanët agjëruan nga agimi deri në muzg”, tha ajo.
“Për mua është një eksperiencë e veçantë, atmosfera e Ramazanit dhe gjithçka tjetër”, ka përfunduar Georgina. /tesheshi.com/
