Prishtinë – Ministri i Drejtësisë, Hajredin Kuçi ka thënë se të gjitha sponsorimet rreth Gjykatës Speciale janë duke u bërë nga Komisioni Evropian dhe për rrjedhojë ky mekanizëm evropian ka kërkuar që dokumentet e përgatitura për këtë Gjykatë, të mos iu jepen anëtarëve të Komisionit, por vetëm presidentes dhe kryeministrit.
Presidentja e udhëheq procesin e themelimit të Gjykatës. Ai ka thënë se presidentja ka themeluar dy grupe të cilët do të marren me krijimin e kësaj gjykate. Kuçi ka deklaruar se krijimi i një gjykate të tillë është një proces i rënd dhe i ndjeshëm i cili kërkon kohezion politik.
Ai ka thënë se Dhoma e specializuar të jetë në Kosovë sikundër që edhe vuajtja e dënimeve do të bëhet në Kosovë. Selia e Gjykatës speciale, sipas tij pritet të jetë në Holandë.
“Mandati i dhomave të specializuara të jetë pesë vjeçare me mundësi te vazhdimit”, ka thënë Kuçi, në një dëgjim publik të organizuar nga Komisioni për legjislacion i Kuvendit.
Ndërsa kryetarja e Komisionit për Legjislacion nga radhët e VV-së, Albulena Haxhiu ka thënë se janë dëshmitarë për themelimin e kësaj gjykatë, por si Komision nuk janë të njoftuar asgjë rreth kësaj çështje.
Deputetja Haxhiu ka kritikuar Institucionet për mosmarrjen e asnjë nuk e kanë hapi për mbrojtjen e luftës së UÇK-së. Ajo ka thënë se themelimi i kësaj gjykate do e dëmtojnë shumë luftën e UÇK-së dhe Kosovën. /Tribuna/
