Nga Blendi Gashi
Publikuesi i kabllogrameve WikiLeaks, ka publikuar 300 mijë email-e rreth partisë së presidentit turk Reçep Tajip Erdogan. Por mes yre ka mesazhe që kanë të bëjnë me Republikën e Kosovës.
Pas e-mailit ku anëtarët e AKP -së (Adalet ve Kalkavan Partisi – Partisë për Drejtësi dhe Zhvillim) tërheqin paralele mes situatës në Gjeorgji dhe Kosovës – me rastin e agresionit ushtarak të Rusisë më 2008 – tani është publikuar edhe një tjetër i tillë i titulluar: “Kosova, drejt regjimit autoritar”.
Në këtë rast bëhet fjalë për letrat elektronike të anëtares së Lëvizjes Vetëvendosje, Esma Bunjaku, e cila informon për situatën politike në Kosovë.
Bunjaku shkruan për Demarkacionin me Malin e Zi ku thotë se këtij shteti po i falen 9500 hektarë. Bunjaku gjithashtu informon AKP-në se sa është e dëmshme marrëveshja e arritur me Serbinë rreth krijimit të Asociacionit të Komunave Serbe në Kosovë.
Pas publikimit të këtij lajmi, ka reaguar aktivistja e VV-së Esma Bunjaku duke thënë se nuk është e vërtetë që ka informuar vetëm partinë e Erdoganit për ngjarjet në Kosovë, por bëhet fjalë për kolumnet e saj të rregullta dhe publike në një web-portal ku shkruan për zhvillimet politike ndërkombëtare, ku shkruajnë profesoret dhe studentët e shkencës politike dhe marrëdhënjeve ndërkombëtare.
“Ideja është informimi i opinionit turk në Turqi dhe në Kosovë etj.Por, jo asnjë mënyrë për ‘informacione në shërbim të AKP’. Se për çfarë arsye WikiLeaks merr materiale publike dhe për çfarë arsye dikush tjetër nga to sajon intriga e tituj bombastike, nuk mund ta di. Mirëpo është e sigurtë që Lëvizja Vetevëndosje vazhdimisht është përballur me insinuata dhe shpifje“, ka shkruar Bunjaku, në Facebook.
Albin Kurti: Esma nuk ka informuar veç partinë e Erdoganit, por të gjitha partitë
Albin Kurti, ish-lideri i Lëvizjes Vetëvendosje, ka konfirmuar pohimet e WikiLeaks se anëtarja e kësaj partie ka informuar Turqinë për gjendjen në Kosovë.
“Unë kur ka informuar Esma, kam qenë në burg. Nuk besoj që Esma e ka informuar vetëm partinë e Erdoganit, por të gjitha partitë. Ajo ka pasur për detyrë t’i informojë të gjitha partitë turke, por nuk kemi ndonjë lidhje speciale me partinë e presidentit, Recep Tayyip Erdogan. Ne i kemi njoftuar edhe partitë gjermane dhe ato Socialdemokrate”, ka pohuar Kurti në Rubikon të KTV-së.
Bunjaku: Albini e tha të vërtetën!
Pas deklaratës së ish-liderit të VV-së është deklarauar sërish Esma Bunjaku e cila ka thënë se Albin Kurti e ka thënë të vërteten dhe nuk e ka konfirmuar siç thotë shpifjen ndaj saj.
“Unë përmes shkrimeve të mija të vazhdueshme në portalin akademik, politikakademisi.org.kam informuar te gjithë opinionin turk për zhvillimet politike në rajon dhe në Kosovë, pra duke përfshi edhe partitë politike qeveritare e opozitare dhe as gjë më tepër, kjo le të dihet kështu”, ka deklaruar Bunjaku.
Ndryshe, sipas mediave kosovare, Esma, studente në Universitetin e Prishtinës, dega e Shkencave Politike, email-et me partinë e presidentit turk i ka shkëmbyer përmes grupeve të ndryshme të makinës kërkuese, Google, të dërguar në byronë e veçantë të quajtur “Özel Büro (Digi.Security.Isnet)”. /tesheshi.com/
