Mediat serbe po problematizojnë dokumentarin “Një histori për ne” (The story of us) në kanalin National Geographic, i udhëhequr nga aktori i famshëm i Hollivudit, 80-vjeçari Morgan Freeman, për shkak të pretendimeve se “populli serb është fajtor për luftën në ish-Jugosllavi”, si dhe për gjenocidin dhe spastrimin etnik në Srebrenicë.
Në një episod të emetuar të dielën, Freeman bisedon në Sarajevë dhe Srebrenicë me gazetarin boshnjak Senad Haxhifejzoviç dhe djalin e tij Fegja, të cilët i shpjegojnë atij se si ka ndodhur genocidi.
“Për hir të Zotit, çfarë ndodhi këtu?”, thirri Freeman në Qendrën Përkujtimore në Potoçari.
“Ajo çfarë ndodhi këtu është një gjenocid. Kufiri me Serbinë është shumë afër, serbët kanë ardhur këtu dhe kanë dashur të vrasin të gjithë, kanë dashur të ndajnë këtë territor nga Bosnja dhe t’ia bashkojnë Serbisë. Ushtria serbe mblodhi të gjithë burrat, gratë dhe fëmijët dhe i vendosi në fabrika. Atje i ndanë, kurse burrat dhe djemtë u dërguan në male dhe u vranë dhe pastaj filluan vrasjen masive, nga 1,000 njerëz në një periudhë të shkurtë”, tha Fejes Haxhifejzoviç, transmeton Tanjug.
Fejes thotë se nuk mund të besojë se si dikush mund të bëjë një “spastrim etnik” të tillë.
“Breza të tërë u vranë këtu. Bombardimi solli deri te fundi i luftës, por nuk i shpëtoi viktimat në Srebrenicë”, thotë Freeman.
Freeman më vonë i dha një intervistë Senad Haxhifejzoviçit, duke thënë se “ai është jashtëzakonisht i lumtur pse është në Bosnje”. /tesheshi.com/
